Kredi pou nouvo machin elektrik yo te achte an 2022 oswa anvan

Si w te achte yon nouvo machin elektrik plug-in (EV) ki kalifye an 2022 oswa anvan, ou ka kalifye pou yon kredi enpo pou machin pwòp jiska $7 500 dapre lwa Internal Revenue Code Seksyon 30D.

Kredi a egal:

$2 917 pou yon machin ki gen yon kapasite batri omwen 5 kilowat èdtan (kWh)
Plis $417 pou chak kWh kapasite ki depase 5 kWh

Kredi maksimòm lan se $7 500. Li pa ranbousab, kidonk ou kredi a pa kapab depase enpo ki dwe a. Ou pa kapab transfere ekstra kredi a al nan ane alavni.

Jwenn enfòmasyon sou kredi pou machin pwòp dezyèmmen (an anglè) ak nouvo EV yo te achte nan ane 2023 oswa apre.

Ki moun ki kalifye

Ou ka kalifye pou yon kredi jiska $7 500 pou achte yon nouvo machin ki kalifye oswa kamyon lejè. Kredi a disponib pou moun ak pou biznis.

Pou kalifye, ou dwe achte veyikil la:

Pou pwòp itilizasyon ou, pa pou revann
Pou itilize prensipalman nan peyi Etazini

Machin ki kalifye

Pou kalifye, yon machin dwe:

Gen sous chaj ekstèn
Gen yon evalyasyon pwa machin brit ki mwens pase 14 000 liv
Fè pa yon manifakti ki pa t vann plis pase 200 000 EV nan peyi Etazini (an anglè)

Ou ka jwenn pwa machin ou a sou etikèt ki nan fenèt machin nan.

Machin yo achte apre 16 out 2022: Nouvo egzijans asanble final la

Si w achte epi pran livrezon yon machin elektrik ki kalifye ant 17 out 2022 a 31 desanm 2022, menm règ yo aplike, plis veyikil la asanblaj final la dwe fèt nan Amerik di Nò.

Pou wè si modèl ou a satisfè egzijans asanblaj la, tcheke paj Depatman Enèji a sou Veyikil elektrik ak asanblaj final nan Amerik di Nò (an anglè). Sou paj sa a ou ka:

Konfime kote asanblaj machin espesifik ou a lè w sèvi avèk zouti VIN Decoder anba "Specific Assembly Location Based on VIN" (Kote Asanble Espesifik ki baze sou VIN).
Tcheke yon lis machin elektrik ki kalifye pou Ane Modèl 2022 ak kòmansman Ane Modèl 2023 anba "For Vehicles Purchased before January 1, 2023" (Pou Veyikil ki Achte anvan 1ye Janvye 2023).

Piske gen kèk modèl yo fè plizyè kote, ou ta dwe tcheke toulede kritè yo pou nenpòt machin espesifik.

Dat acha kont dat livrezon

Si w te antre nan yon kontra obligatwa alekri pou achte yon machin apre 31 desanm 2021, men anvan 16 out 2022, epi w te resevwa livrezon nan dat 16 out 2022 oswa apre, ou ka chwazi reklame kredi a dapre règ anvan yo. Pou chwazi kredi a dapre règ anvan yo, ou dwe chwazi kredi a sou deklarasyon enpo 2022 ou a apre w fin pran machin nan. Tou depan de dat yo te delivre machin nan, ou ka reklame kredi a sou deklarasyon enpo 2022 orijinal ou a, ki ranplase, oswa deklarasyon modifye ane 2022 ou a.

Si w te achte yon veyikil ant 16 out 2022 ak 31 desanm 2022 men ou pa pran livrezon veyikil la jiska ane 2023, gade Kredi pou nouvo machin pwòp yo te achte an 2023 ak Apre.

Ki sa yon kontra obligatwa ekri ye?

An jeneral, yon kontra obligatwa ekri:

ranfòsab dapre lwa eta a, baze sou eta a ak reyalite andanm ak sikonstans ki enpòtan yo, epi
pa limite domaj yon achtè oswa yon vandè ka resevwa pou yon kontra yo vyole, tankou pèdi yon depo oswa peye yon montan dola pre-detèmine oswa yon pousantaj nan pri total kontra a pou machin nan.

Yon endikasyon ki montre yon kontra obligatwa se si yon achtè te fè yon depo siyifikatif ki pa ranbousab oswa peman alavans.

Ki jan yo reklame kredi a

Pou reklame kredi pou yon veyikil ou te pran posesyon nan ane 2022, ranpli Fòm 8936, Kredi veyikil propre (an anglè) ak deklarasyon enpo 2022 ou. W ap bezwen bay VIN machin ou an.

Pou machin ki te achte anvan 2022

Si w pa t reklame yon kredi pou yon machin elektrik ki te achte anvan 2022, ou ka anmezi reklame li lè w ranpli yon deklarasyon modifye pou ane enpo w te pran posesyon veyikil la.

Kredi pou machin elektrik 2 wou ki kalifye yo te ekspire an 2022. Si w te achte yon machin 2 wou an 2021, men ou te mete l an sèvis pandan 2022, ou ka toujou reklame kredi a pou ane 2022. Si w te achte li apre 2021, ou pa ka reklame kredi a.

Gade enstriksyon pou Fòm 8936 (an anglè).

Soumèt

Peye

Ranbousman

Kredi ak Dediksyon

Fòmilè ak Enstriksyon